قصيدة الشاعر محمد السيد.. عن المجلس العسكري والشعب والمصالحة والشهداء
انت الجيش علي عيني وراسي
لكن برضه انا اسمي الشعب
دورك كان في الثورة اساسي
مش بنكرلك منع الضرب
انت حمتني وكتر خيرك
بوسه كبيره وحضن كبير
بس الحكم ماهوش تفكيرك
احنا اللي نزلنا التحرير
يعني الواجب تسمع مني
وتنفذ كل اللي الطلبات
وتحاكم كل اللي ظلمني
مش بكفالة هنبقي اخوات
كل فلوسي هترجع ليا
ايوه فلوسي مهياش دية
ومحدش بيمن عليا
ولاحنية ولا مصالحات
سبنا العفو لخالق يقدر
لكن حقي انا مش هنساه
عندي شهيد مقتول برصاصهم
وانا مأخدتش لسه عزاه
وانا ماخدتش لسة عزاااااااه
موضوع: قصيدة الجيش والشعب والثورة 
الأربعاء مايو 18, 2011 12:46 am
